Рескомның яшьләр канаты тау чаңгысы спорты һәм сноуборд буенча фестивальдә катнашты.

2020 елның 2 марты, дүшәмбе

Узган ял көннәрендә "Зөя калкулыклары" нда тау чаңгысы спорты һәм сноуборд буенча ТР Президентының III Кубогы старт алды. Ярышларда Татарстан Республикасы дәүләт һәм муниципаль хакимияте органнары, төзелеш предприятиеләре, хезмәт күрсәтү өлкәсе, спорт оешмалары коллективлары катнашты.

Ярышларда катнашучыларны һәм кунакларны ТР спорт министрының беренче урынбасары Хәлил Шәйхетдинов һәм Россия сноуборд Федерациясенең беренче вице-президенты Наталья Подоровская сәламләде.

Барлыгы 150дән артык кеше катнашты, шул исәптән РФ Дәүләт учреждениеләре һәм иҗтимагый хезмәт күрсәтү хезмәткәрләре профсоюзының Татарстан республика оешмасының Яшьләр советы вәкилләре дә.